www.mesime24.com

HTML Server Kontrollat
Web Aplikacionet janë aplikacione që mund të zhvillohen në dy pjesë: pjesa e klientit dhe pjesa e serverit.

Është e qartë se kur futet një URL (Universal Resource Locator) për një faqe në “browser”, ai do të dërgohet si një mesazh në HTTP deri te serveri (kërkesë për faqen e dëshiruar). Ky mesazh zakonisht njihet si “Request” (kërkesë). Nëse faqja që kërkohet ka p.sh prapashtesën .htm ose .html, Web Serveri thjeshtë gjenë faqen në disk dhe nga disku i tij ai e dërgon prapa deri te kompjuteri juaj (“klienti”) nëpërmjet një mesazhi të ri në HTTP, i njohur si “Response”(përgjigje). “Browser-i” është ai i cili interpreton këtë kod në objektin e përgjigjur dhe e prezenton atë në ekran. Kjo është mënyra se si realizohet kërkesa e klientit deri te marrja e faqes së dëshiruar nga serveri.
Një ASP.NET fajll, që ka prapashtesën .aspx, zakonisht përmban elemente HTML, me kod të anës së serverit dhe të klientit.

Siq shihet në figurën e mëposhtme, kur shfrytëzuesi kërkon (”Request”) një faqe ASPX , serveri e merr atë nga disku dhe e dërgon tek makina ASPX për përpunim të mëtutjeshëm. Pastaj makina ASPX e kompajlon kodin e serverit dhe gjeneron fajllin e 5 klasës “page“, e instancon fajllin e klasës dhe i ekzekuton instruksionet që e zhvillojnë objektin “response“. Gjatë ekzekutimit sistemi i përpunon të dhënat e futura nga përdoruesi bazuar në instruksionet e programit (në pjesën e serverit). Në fund, serveri e transmeton objektin “Response” deri tek klienti.
Pra hapat kryesor të përpunimit të kërkesës deri tek përgjigja “Response”janë këto:
1. Serveri pranon kërkesën për faqen ASPX të dëshiruar.
2. Serveri gjen lokacionin e faqes në disk.
3. Serveri i dorëzon faqen makinës ASP.NET
4 .ASP.NET-i e kompajlon faqen dhe gjeneron klasën “page“. Gjatë kompajlimit, mund të kërkoj edhe pjesë tjera të kodit siq janë kodi prapa komponenteve të ndryshme të përfshira në program
5. ASP.NET-i inicializon klasën, kryen përpunimin e domosdoshëm dhe gjeneron objektin “Response”
6. Pastaj Web serveri dërgon objektin “Response“ tek klienti.

Komente (0)