www.mesime24.com

Gjatë ditës së sotme Weather Underground ka shpalosur një shërbim të ri të quajtur Full Screen Weather, duke ofruar kështu informata rreth motit brenda minutës Weather Underground është një ueb faqe që ofron informata në kohë reale rreth motit.

E gjatë ditës së sotme kjo kompani ka shpalosur shërbimin Full Screen Weather, i cili kombinon hartat e Google Maps me të dhënat e motit të Weather Underground, duke sjellë kështu asgjë tjetër përveçse harta të përcjella me informata rreth motit.

Vetëm klikoni këtë ueb faqe www.fullscreenweather.com dhe filloni të shfletoni. Keni parasysh se në momentin që hapni këtë faqe juve ju paraqitet një dritare që ju pyet, Kush jeni ju?, që nënkupton të shkruani numrin postal apo të shkruani emrin e qytetit tuaj.

Në momentin që shkruani Pristina (nëse shënoni Prishtina, ju del “City not Found”), harta do të përqendrohet mbi Prishtinën dhe do të ofrojë të dhëna më të detajuara rreth motit që po mbizotëron në kryeqytetin e Kosovës.

Edhe nëse nuk shënoni emrin e qytetit atëherë mund ët klikoni mbi pjesë ku shkruan “We think you are here” e cila në mënyrë automatike gjen qytetin ku ndodheni.

E njëjta gjë vlen edhe nëse shkruani Tirana apo Skopje. Pra përsëri ju do të keni qasje mbi informatat në kohë reale rreth motit që po mbizotëron në Shqipëri dhe Maqedoni.

Kutia në anën e majtë të ekranit ofron informata rreth motit të tanishëm, lagështisë së ajrit, shpejtësisë së erës, dukshmërisë, presionit të ajrit dhe burimin nga janë duke u marrë informatat. Gjithashtu aty ofrohet edhe parashikimi i motit për ditët në vazhdim.

Në pjesën e sipërme të ekranit ju mund të zgjidhni opsionin për të shikuar edhe lëvizjen e reve mbi rajonin tuaj, e gjithashtu mund të klikoni edhe mbi “play” për të shikuar mënyrën sesi do të lëvizin ato.

Burimi: www.pcworld.a

Komente (0)